Xabaringiz bor «8 mart – Xalqaro xotin-qizlar kuni munosabati bilan mukofotlash to‘g‘risida» O‘zbekiston prezidenti farmoni e’lon qilindi.
Farmonga ko‘ra, opa-singillarimizning davlat va jamiyat hayotida tutgan o‘rni va nufuzini oshirish, yurtimizning iqtisodiy qudrati va jahon miqyosidagi mavqeini yuksaltirish borasidagi ulkan xizmatlarini munosib qadrlash maqsadida bir guruh xotin-qizlar faxriy unvon, orden va medallar bilan mukofotlandi. Ular orasida Jizzax davlat pedagogika instituti Sa’natshunoslik fakulteti Musiqa yo‘nalishi 1 kurs magistranti viloyat madaniyat boshqarmasi qoshidagi “ Maqom” ansambli maqomchisi “ Nihol” mukofoti sovrindori Zulxumor Mamarasulzoda ham “Shuhrat” medali bilan taqdirlandi. Shu munosabat bilan Jizzax davlat pedagogika instituti rektori Sh.S.Sharipov iqtidorli xonanda Zulxumor Mamarasulzoda bilan uchrashdi. Samimiy suhbat davomida oliygoh rektori “Nihol” mukofoti hamda “Shuhrat” medali sovrindori Zulxumor Mamarasulzodaning yutuqlarini alohida e’tirof etar ekan institut jamoasi bunday iqtidorli yoshlar bilan doimo faxrlanishini ta’kidladi. Sohir ovoz sohibasi Zulxumor Mamarasulzodaga ijodiy parvozlar va bundanda yuksak muvaffaqiyatlarga erishishiga umid bildiramiz .
Jizzax davldat pedagogika instituti axborot xizmati
