Skip to main content

Ishonch telefoni: +(99872) 226 68 10

3+1 qo'shma ta'lim dasturi

Belarus davlat pedagogika universiteti bilan qo'shma ta'lim dasturiga marhamat!

Konstitutsiya asosiy qonunimiz!

8-dekabr — O‘zbekiston Respublikasi Konstitutsiyasi kuni

Yuksak vatanparvarlik tuyg‘usi aks etgan qasida!

10-dekabr — O‘zbekiston Respublikasi Davlat madhiyasi qabul qilingan kun

Yangi yil — yangi marralar sari imkoniyat!

Kirib kelayotgan yangi 2024-yilingiz muborak bo’lsin!

Xotira muqaddas – inson qadri aziz!

9-may — Xotira va qadrlash kuni

JDPU 50 yoshda!

Jizzax davlat pedagogika universitetining 50 yoshlik yubileyi muborak bo‘lsin!

HAYOTDAGI YO‘LINGIZ UCHUN O‘ZINGIZ MAS’ULIYATLI BO‘LING!

“Professor soati”da ilmiy-tadqiqot ishlarini tashkil etish bilan bog‘liq muhim masalalar tilga olindi Iqtidorli talabalarning ilmiy-tadqiqot faoliyatini tashkil etish bo‘limi tomonidan tashkil etilgan “Professor soati”da universitet rektori, professor Shavkat Sharipov yoshlarga ilmiy-tadqiqot bilan shug‘ullanishda o‘z tajribasi bilan o‘rtoqlashdi. Tadbirda ilmiy-tadqiqot faoliyatiga qiziquvchi iqtidorli talaba-yoshlar ishtirok etishdi. Professor o‘z suhbatida olimlik sari tashlanadigan birinchi qadam, ilmiy rahbar bilan ishlash tajribasi, ilmiy tadqiqot ishini himoya qilishdagi jarayonlar haqidagi fikr-mulohazalari bilan o‘rtoqlashdi. Ma’lumot o‘rnida aytadigan bo‘lsak, “Professor soati”lari orqali talabalarni professor-o‘qituvchilarning ilmiy-tadqiqot faoliyati bilan yaqindan tanishtirish maqsad qilingan.   Tadbirda aytilgan va yoshlarni tas’irlantirgan so‘zlardan iqtiboslar keltirmoqdamiz: – Talaba o‘z tadqiqot ishi yuzasidan o‘zi qaror qabul qilishi va bu yo‘lda o‘zi kurashishi lozim. Biz ularga bu yo‘lda yordam berishga doim tayyormiz. – Suvga o‘xshash bo‘lish lozim, chunki suv hech kimga ziyoni tegmasdan o‘z yo‘lini topib boraveradi. – Hayratlanishdan to‘xtamang. Olimlik hayratlanishdan boshlanadi. – Ertak o‘qib ulg‘aygan bola kelajakda kim bo’ladi? Multfilim tomosha qilib ulg‘ayganda-chi? Ertak bolaning aql mushaklarini ishlatadi. Tasavur dunyosini boyitadi. Multfilimda esa tasavvur mahsulini ko‘ramiz xolos. Tadqiqotchining tasavvur dunyosi boy bo’lishi lozim. – Ustozingizni yaxshi ko‘ring, ana shunda haqiqiy ilmni egallaysiz. – Yoshlarga kelar zamon ilmini o‘rgatish to‘g‘ri yo‘ldan borishdir. – Bilim maqsad emas, bu qurol bo‘lishi kerak. – Ilmiy ishga, tadqiqotga o‘zini bag‘ishlash, albatta, o‘z natijasini ko‘rsatadi. – Biz insonlarni yaxshi va yomonga ajratamiz. Aslida-chi? Ularning har ikkisi o‘z g‘oyalarini to‘g‘ri deb bilishadi. G‘oyalarning xilma-xilligida esa eng yaxshi tadqiqotlar yaratilgan. – Insonning fikri, so‘zi va amali bir xil bo‘lishi kerak. Ana shunday kishi ilmiy jamoada ham boshqa jamoalarda ham birdek hurmatga sazovor bo‘ladi. – Hayot siz uchun oldindan yozib qo‘yilgan qoidalar asosida bo‘lmaydi. To‘siqlarning hammasi siz yengib o‘tishingiz uchun yaratilgan. – Ilm olishga intilish yolg‘onga asoslanmasligi kerak. – Insonning ilmga, jamiyatga, insonlarga samimiy muhabbati bo‘lishi lozim. Bunday inson eng katta marralarga erishadi. –  Hayotdagi yo‘lingiz uchun o‘zingiz mas’uliyatli bo‘ling.