Markaziy bank tomonidan tashkil etilgan «Global money week 2025» tadbirida Jizzax Davlat pedagogika universiteti 1-2-bosqich noiqtisodiy yo‘nalishlari talabalariga Mirzo Ulug‘bek nomidagi O‘zbekiston milliy universitetining Jizzax filiali volontyor-talabalari tomonidan «Ertangi moliyaviy imkoniyatlaringiz bugungi qaroringizdan boshlanadi» mavzusida amaliy seminar trening tashkil etildi.
Tadbir davomida ishtirokchilarga quyidagi mavzularda muhim ma’lumotlar yetkazildi:
Shaxsiy byudjetni to‘g‘ri yuritish;
Moliyaviy rejalashtirish va mablag‘ni tejash usullari;
Bank xizmatlari, kredit va omonatlarning turlari;
Moliyaviy xavfsizlik va firibgarlikdan himoyalanish yo‘llari.
Treningning asosiy maqsadi — yosh avlodning moliyaviy bilimlarini oshirish, ularni ongli moliyaviy qarorlar qabul qilishga o‘rgatish va iqtisodiy mustaqilligiga hissa qo‘shishdan iborat bo‘ldi
