Skip to main content

Ishonch telefoni: +(99872) 226 68 10

3+1 qo'shma ta'lim dasturi

Belarus davlat pedagogika universiteti bilan qo'shma ta'lim dasturiga marhamat!

Konstitutsiya asosiy qonunimiz!

8-dekabr — O‘zbekiston Respublikasi Konstitutsiyasi kuni

Yuksak vatanparvarlik tuyg‘usi aks etgan qasida!

10-dekabr — O‘zbekiston Respublikasi Davlat madhiyasi qabul qilingan kun

Yangi yil — yangi marralar sari imkoniyat!

Kirib kelayotgan yangi 2024-yilingiz muborak bo’lsin!

Xotira muqaddas – inson qadri aziz!

9-may — Xotira va qadrlash kuni

JDPU 50 yoshda!

Jizzax davlat pedagogika universitetining 50 yoshlik yubileyi muborak bo‘lsin!

El ardog‘idagi aktyor bilan uchrashuv yorqin taassurotlarga boy bo‘ldi.

JDPUda O‘zbekiston va Qoraqalpog‘iston xalq artisti,  Xalqaro “Bobur” mukofoti sovrindori, xalqimizning sevimli aktyori Muhammadali Abduqunduzov bilan ijodiy uchrashuv bo‘lib o‘tdi. Fevral oyida o‘zbek xalqining ikki buyuk siymosi  – Alisher Navoiy va Zahiriddin Muhammad Bobur tavallud ayyomi keng nishonlanadi. Ularning hayoti va ijodi, bosib o‘tgan serqirra ijod yo‘li o‘rganiladi.Jizzax davlat pedagogika universitetida Zahiriddin Muhammad Bobur tavalludi bu yil boshqa  yillardagidan ham o‘zgacha nishonlandi.Sababi O‘zbekiston va Qoraqalpog‘iston xalq artisti,  Xalqaro Bobur mukofoti sovrindori, xalqimizning sevimli aktyori Muhammadali Abduqunduzov bilan ijodiy uchrashuv bo‘lib o‘tdi. Xabaringiz bor ijodkor Muhammadali Abduqunduzovning O‘zbekiston televideniyesidagi videofilmlarda yaratgan obrazlari uni har bir o‘zbek xonadonining aziz san’atkoriga aylantirdi. Ayniqsa Pirimqul Qodirovning «Yulduzli tunlar» romani asosida yaratilgan «Bobur» ko‘p qismli videofilmi unga katta shuhrat keltirdi. Muhammadali Abduqunduzov ijrosidagi Bobur Mirzo og‘ir, vazmin, chuqur o‘yga botgan, o‘tkir nigohli, gapirish ohangida mahzunligi mag‘rurlik, hazinlig-u o‘ktamlikni mujassam etgan inson sifatida gavdalanadi.Jizzax davlat pedagogika universitetining madaniyat saroyida tashkil etilgan tadbirda nafaqat talaba yoshlar, professor-o‘qituvchilar ijodkorning ko‘p sonli muxlislari ham ishtirok etdilar. Ijodiy uchrashuvni universitetning Yoshlar masalalari, ma’naviy-ma’rifiy ishlar bo‘yicha birinchi prorektor S.Nazarqosimov ochib berdi. Uchrashuvda aktyor o‘z hayoti, ijodi yo‘li haqida gapirib berdi. Suhbat davomida u Zahiriddin Muhammad Boburning shaxsiy sifatlari, dard-u kechinmalari, “hassos his tuyg‘ulari”, shoh va shoirning yuksak insoniy fazilatlar sohibi ekanligini ifoda etdi. Ijodiy uchrashuv davomida Mohir aktyor tomonidan Bobur g‘azallari, ruboiylarni, tomoshabinlarga mahorat bilan o‘qib berildi. Ijodiy kechaga universitet qoshida tashkil etilgan E.Lutfullayev nomidagi talaba yoshlardan iborat maqomchilar ansamblining musiqiy dasturi yakun yasadi.