Skip to main content

Ishonch telefoni: +(99872) 226 68 10

3+1 qo'shma ta'lim dasturi

Belarus davlat pedagogika universiteti bilan qo'shma ta'lim dasturiga marhamat!

Konstitutsiya asosiy qonunimiz!

8-dekabr — O‘zbekiston Respublikasi Konstitutsiyasi kuni

Yuksak vatanparvarlik tuyg‘usi aks etgan qasida!

10-dekabr — O‘zbekiston Respublikasi Davlat madhiyasi qabul qilingan kun

Yangi yil — yangi marralar sari imkoniyat!

Kirib kelayotgan yangi 2024-yilingiz muborak bo’lsin!

Xotira muqaddas – inson qadri aziz!

9-may — Xotira va qadrlash kuni

JDPU 50 yoshda!

Jizzax davlat pedagogika universitetining 50 yoshlik yubileyi muborak bo‘lsin!

Biz zo‘ravonlikka qarshimiz…

Tabiiy fanlar fakultetida bo‘lib o‘tgan tadbir ana shunday nomlandi. Oilalarimiz chirog‘i va charog‘boni bo‘lgan ayollar zotiga ehtirom ko‘rsatish, ularni e’zozlash milliy qadriyatlarimizning ajralmas qismidir.  Afsuski, so‘nggi paytlarda ayollarni xo‘rlash, kamsitish holatlari ko‘p kuzatilayapti. Arzimas bahonalar bilan janjal chiqarib, turmush o‘rtog‘ini do‘pposlayotgan erkaklar safi kengayib bormoqda. Bunday holatlarni bartaraf etish maqsadida  respublikamiz miqyosida “Biz zo‘ravonlikka qarshimiz” nomi ostida tadbirlar o‘tkazilayotgani davlatimizning ayollarga ko‘rsatayotgan g‘amxo‘rligining amaldagi ifodasidir.  Jizzax davlat pedagogika universitetti Tabiiy fanlar fakultetida bo‘lib o‘tgan tadbir ham ana shu dolzarb mavzuga bag‘ishlandi. Tahlillarga ko‘ra, ayni paytda dunyo miqyosida 33- 50 foiz ayollar erlarining kaltaklashi, do‘pposlashidan aziyat chekayotgan ekan. Bu esa, o‘z navbatida, nozik jins vakillarini maishiy jinoyatlardan himoya qilish davr talabi ekanligini ko‘rsatadi. Oilada zo‘ravonlik va kamsitishlarga uchrayotgan ayolarning asosiy qismi hayotida moddiy va maishiy qiyinchiliklar mavjudligi, turmush o‘rtog‘ining ichkilikka ruju qo‘ygani, ro‘zg‘or tashvishi, bola tarbiyasi misolida mas’uliyatsiz ekanini aytib o‘tishadi. Biz o‘zligimizdan, ma’naviyatimizdan, milliy qadriyatlarimizdan qanchalik uzoqlashib boraversak, naslimiz davomchilarini tahqirlasak, o‘zimizga, kelajagimizga zulm qilamiz. Tadbirda so‘z olganlar ana shu og‘riqli muammolarga to‘xtalib, ayol zotini taxqirlash emas, unga ehtirom ko‘rsatish oliy maqsadimiz bo‘lishi lozimligini ta’kidlashdi. “Biz zo‘ravolnlikka qarshimiz” nomi ostida o‘tgan tadbirda Jizax shahar IIB 2-sonli IIB XPB profilaktika inspektori katta  leytenant S.Z.Abdulakimov  ham ishtirok etdi.