Barcha abituriyentlar va ularning ota-onalari diqqatiga!!!

Hurmatli abituriyentlar va ota-onalar Jizzax davlat pedagogika instituti bosh binosida to`liq qurilish-rekonstruktsiya ishlari olib borilayotganligi munosabati bilan 2019-2020 o`quv yili uchun abituriyentlarni ro`yxatdan o`tkazish jarayoni institutning Sirtqi bo`lim binosida bo`lishini ma`lum qilamiz. Hozirgi vaqtda Institut qabul komissiyasi mas`ul xodimlari tomonidan abituriyentlarga yetarli shart-sharoitlar yaratildi, jumladan abituriyentlarga maslahat markazi va ro`yxatdn o`tkazish xonalari tashkil etildi, 60 dan ortiq internet tarmog`iga ulangan kompyuterlar o`rnatildi. Shuningdek bu yilgi o`quv yili qabul jarayonida quyidagi o`zgarishlarni alohida eslatib o`tishimiz lozim: Endi abiturient hujjat topshirmaydi, balki original hujjatlarini ko‘rsatib, ro‘yxatdan o‘tadi va o‘zi bilan qaytarib olib ketadi; 👉 Ro‘yxatdan o‘tish uchun quyidagilar kerak: 1) pasport (u yo‘q bo‘lsa, yoki 09-forma, yoki tug‘ilganlik guvohnomasi); 2) diplom yoki shahodatnoma (ilovasi bilan); 3) mabodo imtiyozi bo‘lsa, uni tasdiqlovchi hujjat. 👉 OTMlar orqali ro‘yxatdan o‘tganda ham xuddi shu hujjatlar talab etiladi, avvalgi yillardagidek rasm, papka, 086-ma’lumotnoma shart emas;