“O‘zbekiston – 2030” strategiyasida belgilangan keng ko‘lamli islohotlarni 2025-yilda samarali amalga oshirish, xalqimizning kundalik hayotida ijobiy o‘zgarishlarga erishish bo‘yicha tizimli harakatlarni izchil davom ettirish maqsadida Ozarbayjon Respublikasi Ozarbayjon pedagogika universiteti va O‘zbekiston Respublikasi Abdulla Qodiriy nomidagi Jizzax davlat pedagogika universiteti hamkorlikda 2025-yil 14-aprel kuni Ozarbayjon-O‘zbekiston filologiya va pedagogika sohasidagi yetuk olimlarning “Adabiy aloqa – ilm-fan taraqqiyoti asosi” mavzusida umumturkiy (turk) tilda nashr etilayotgan antologiyasi taqdimoti bo‘lib o‘tishi rejalashtirilgan.
Mazkur antologiyaga O‘zbekiston, Ozarbayjon davlatlarining filologiya va pedagogika sohasida faoliyat yuritayotgan yuqori malakali ilmiy kadrlarning qisqacha tarjimayi holi va ilmiy maqolasi kiritiladi.
“Adabiy aloqa – ilm-fan taraqqiyoti asosi” mavzusida turk tilida nashr etilgan antologiya taqdimoti Bokuda o‘tkaziladi.
Mazkur anjumanda O‘zbekiston Respublikasi va Ozarbayjon Respublikasi miqyosida faoliyat yuritayotgan filologiya va pedagogika sohasi mutaxassis olimlari ishtirok etishi ko‘zda tutilgan.

Murojaat uchun: O’zbek tili va adabiyoti fakulteti