14-yanvar kuni Jizzax shahri Xotira xiyobonida Vatan himoyachilari kuni munosabati bilan “Motamsaro Ona” haykali poyiga gul qo‘yish marosimi o‘tkazildi. Erta tongdan Xotira xiyoboni turli tashkilotlar, huquqni muhofaza qiluvchi idoralar va harbiy qismlar askar va zobitlari hamda faollar bilan gavjumlashdi.
Harbiy orkestr sadolari ostida marosim ishtirokchilari Motamsaro Ona haykali poyiga gul qo‘yib, fidoyi harbiylar xotirasini e’zozlashdi. Jizzax davlat pedagogika universiteti rahbariyati, faxriylar, professor-o‘qituvchilar va talabalar ham ushbu marosimda faol ishtirok etishdi.
