Universitetda ta’lim sifati va samaradorligini oshirish, shuningdek, o‘quv dasturlarini dunyodagi TOP–300 oliy ta’lim tashkilotlari tajribasi asosida takomillashtirishga bag‘ishlangan o‘quv seminari bo‘lib o‘tdi.
Seminar 2025-yil sentyabr–dekabr oylarida qo‘lga kiritilgan yutuqlar hamda universitet faoliyati aks ettirilgan videorolik namoyishi bilan boshlandi. O‘quv seminarini universitet rektori, professor Maqsudjon Yuldashev “Universitetni 2026–2030-yillarda rivojlantirish dasturi” mavzusidagi taqdimoti bilan ochib berdi.
Seminar davomida Yoshlar masalalari, ma’naviy-ma’rifiy ishlar bo‘yicha birinchi prorektor Farrux Akchayev “Universitetda yoshlar masalalari va ma’naviy-ma’rifiy yo‘nalishda amalga oshirilgan ishlar hamda ustuvor vazifalar” mavzusida ma’ruza qildi.
Shuningdek, o‘quv ishlari bo‘yicha prorektor Haqberdi Hamzayev “Ta’lim sifatini oshirish, o‘quv-me’yoriy hujjatlarni yuritish hamda pedagog xodimlar malakasini oshirish bo‘yicha amalga oshirilgan ishlar va ustuvor vazifalar” mavzusida taqdimot bilan ishtirok etdi.
Ilmiy ishlar va innovatsiyalar bo‘yicha prorektor Anora Jabborova esa “Ilmiy salohiyatli pedagog kadrlar tayyorlash hamda ilmiy-innovatsion faoliyat tizimini takomillashtirish bo‘yicha ustuvor vazifalar” mavzusida ma’ruza qilib, sohadagi dolzarb masalalar va rejalarni yoritib berdi.
O‘quv seminari Xalqaro bo‘lim boshlig‘i Sanjar Yaxshilikov hamda Ta’lim sifatini nazorat qilish bo‘limi boshlig‘i Sardor Rasulov tomonidan universitetning 2025-yil yakunlari bo‘yicha xalqaro reytinglarda erishgan natijalari tahlili hamda ta’lim tashkilotlarini kompleks va maxsus akkreditatsiyadan o‘tkazish masalalariga bag‘ishlangan taqdimotlar bilan yakunlandi.
Mazkur o‘quv seminari ta’lim mazmunini takomillashtirish, boshqaruv samaradorligini oshirish hamda xalqaro standartlarga mos ta’lim tizimini shakllantirishga xizmat qildi.
