Zomin dam olish maskanida pedagogika oliy ta’lim muassasalari ilmiy ishlar va innovatsiyalar bo‘yicha prorektorlari kengashining 5-sonli yig‘ilishi o‘tkazilmoqda.
Yig‘ilishda respublikaning 13 ta pedagogika yo‘nalishidagi oliy ta’lim muassasalarining ilmiy ishlar va innovatsiyalar bo‘yicha prorektorlari hamda ilmiy bo‘lim boshliqlari faol ishtirok etmoqda. Mehmonlar va ishtirokchilarga Jizzax davlat pedagogika universiteti mezbonlik qilmoqda.
Yig‘ilish davomida ilmiy ishlar va innovatsiyalar sohasidagi amaliyotlar, zamonaviy tajribalar va hamkorlik imkoniyatlari muhokama qilinishi rejalashtirilgan. Shuningdek, pedagogika oliy ta’lim muassasalari ilmiy salohiyatini yanada rivojlantirish hamda ilmiy tadqiqotlar natijalarini samarali joriy qilish masalalari ham ko‘rib chiqiladi.
