Jizzax davlat pedagogika universiteti rektori tashabbusi bilan tashkil etilgan “Kitobxon talaba” tanlovining navbatdagi test bosqichi bo‘lib o‘tdi. Unda barcha fakultetlardan kitobxon talabalar ishtirok etishdi.
Test sinovlari ikki smenada tashkil etildi va universitetning 400 ga yaqin talabasi bilim va tezkor fikrlash qobiliyatini sinab ko‘rdi.
Tanlov qoidalariga ko‘ra, har bir fakultetdan eng yuqori ball to‘plagan 6 nafar talabalar ikkinchi bosqichga jamoa tarzida o‘tishadi. Navbatdagi bosqich “Zakovat” shaklida o‘tkaziladi va talabalarning bilimlari yanada chuqurroq sinab ko‘riladi.
Bo‘lib o‘tgan test sinovlari natijalarida ikki nafar talabaning eng yuqori ball to‘plashi alohida e’tirof etildi. Aniq fanlar fakulteti talabasi Rahimberdiyev Dovudbek Bahodir o‘g‘li, hamda Tibbiyot fakulteti talabasi Tursunboyeva Charos Abror qizi har ikkisi ham 25/25 ball to‘plashdi.
Eslatib o‘tamiz tanlov tashkilotchilari universitet Yoshlar ittifoqi boshlang‘ich tashkiloti hamda Axborot-resurs markazi xodimlari.
