Universitetda yangi o‘quv yilidan boshlab joriy etilgan “Zominga sayohat” turkumi doirasida navbatdagi madaniy-ma’rifiy tashrif amalga oshirildi. Unda professor-o‘qituvchilar hamda ishchi xodimlar faol ishtirok etib, Zomin tabiatining go‘zal manzaralaridan bahramand bo‘ldilar.
Sayohat ishtirokchilari kuz faslining so‘nggi kunlarini Zominda zavq va ko‘tarinki ruhda o‘tkazdilar. Dastur doirasida ular uchun sayr, dam olish, tabiat qo‘ynida hordiq chiqarish, jamoaviy muloqot va turli madaniy tadbirlar tashkil etildi.
Tashrif barcha qatnashchilarga iliq taassurotlar ulashdi. Ular Zominning go‘zal tabiati, musaffo havosi va ko‘ngilochar dasturlardan mamnun holda universitetga qaytdilar. Ishtirokchilar mazkur an’anaviy tashabbusni amalga oshirishdagi ko‘mak va e’tibori uchun universitet rahbariyati hamda kasaba uyushmasi qo‘mitasiga o‘z minnatdorchiliklarini izhor etdilar.
