Hozirda Jizzax davlat pedagogika universitetining stritbol, voleybol va engil atletika bo‘yicha hududiy bosqichda yuqori natija ko‘rsatgan jamoalari Guliston davlat universitetida o‘tayotgan “Besh tashabbus olimpiadasi” respublika bosqichida munosib ishtirok etmoqda.

Kecha stritbol bo‘yicha “Ziyokor” qizlar jamoamiz oltin medalni qo‘lga kiritib, universitetimiz sha’nini yana bir bor yuqoriga ko‘tardi.

Bugungi natijalarga ko‘ra, voleybol bo‘yicha o‘g‘il bolalar jamoasi bronza medaliga ega bo‘ldi. Bu yutuqlarda murabbiylarimizning mehnati, sportchilarning qat’iyati va mas’uliyatli tayyorgarligi bilan bir qatorda, jamoalarga doimiy ko‘mak berib kelayotgan universitet rahbariyatining, xususan JDPU rektori Maqsudjon Abdullayevichning e’tibor va qo‘llab-quvvatlashi ham muhim o‘rin tutadi. Ularga minnatdorchilik bildiramiz.

Yuqori natijalar bilan barchamizni quvontirayotgan sportchi talabalarimizga kelgusi bellashuvlarda ham omad yor bo‘lsin! JDPU sizlar bilan faxrlanadi!