Jizzax davlat pedagogika universitetida Yoshlar ittifoqi tashabbusi bilan “Yangi muhitda o‘zingni top: ijtimoiy muhitga moslashish, raqobat va o‘z yo‘lini topish” mavzusida seminar-trening tashkil etildi.

Talabalarning yangi muhitga moslashuvi, sog‘lom raqobatni shakllantirish hamda shaxsiy “men”ni anglash jarayonini psixologik jihatdan qo‘llab-quvvatlashga qaratilgan uchrashuvni universitet xotin qizlar psixologi X.Z.Odiljonova olib bordi.

Suhbat davomida ishtirokchilarga yangi muhitda tez va sog‘lom moslashish sirlari, raqobatdan ijobiy foydalanishning psixologik usullari, o‘zlarining kuchli va kuchsiz tomonlarini aniqlash, shaxsiy qadriyat va imkoniyatlarni anglash yo‘llarini amaliy misollar orqali tushuntirib berildi.

Yoshlar ittifoqi qizlar koordinatori H.Mislimova talaba qizlarga motivatsion kartochkalar tarqatib, universitetda ularga yaratilgan imkoniyatlar haqida ma’lumotlar berdi.

Tadbir yakunida faol ishtirok etgan ishtirokchilar taqdirlandi.