Jizzax davlat pedagogika universiteti delegatsiyasi O‘zbekiston davlat jahon tillari universitetida bo‘lib o‘tayotgan II O‘zbekiston–Xitoy ta’lim forumida faol ishtirok etmoqda.
Mazkur nufuzli forum O‘zbekiston va Xitoy Xalq Respublikasi o‘rtasidagi ta’lim sohasidagi hamkorlikni yanada mustahkamlash, ilmiy-tadqiqot va innovatsion yo‘nalishlarda o‘zaro tajriba almashish, hamkorlikda qo‘shma loyihalarni amalga oshirishni maqsad qilgan.
Forum doirasida ikki mamlakatning yetakchi oliy ta’lim muassasalari rahbarlari, professor-o‘qituvchilari va xalqaro hamkorlik bo‘yicha mutaxassislari ishtirok etmoqda. Ular tomonidan ta’lim tizimini modernizatsiya qilish, zamonaviy pedagogik texnologiyalarni joriy etish, talabalar va o‘qituvchilar almashinuvini kengaytirish kabi muhim masalalar muhokama qilinmoqda.
Jizzax davlat pedagogika universiteti delegatsiyasi a’zolari ham o‘z tajribalari bilan o‘rtoqlashib, universitetning xalqaro hamkorlik sohasida amalga oshirayotgan ishlari va istiqbolli yo‘nalishlarini taqdim etmoqda.
Bu kabi xalqaro tadbirlarda ishtirok etish JDPU uchun ilg‘or tajribani o‘rganish, xorijiy oliy ta’lim muassasalari bilan yangi hamkorlik aloqalarini o‘rnatish hamda universitetning nufuzini xalqaro maydonda yanada oshirishda muhim ahamiyat kasb etadi.
