Jizzax davlat pedagogika universitetida “Kelajak soati” loyihasi doirasida navbatdagi ma’rifat darsi bo‘lib o‘tdi.

Dars “O‘zbekiston va jahon” mavzusida o‘tkazilib, unda talabalar hafta davomida mamlakatimiz siyosiy, ijtimoiy va iqtisodiy hayotida ro‘y bergan muhim voqealar bilan tanishdilar.

🔹 Prezident Shavkat Mirziyoyev Islom sivilizatsiyasi markazida olib borilayotgan ishlar bilan tanishdi. Ushbu noyob majmua xalqimizning boy tarixiy va ma’naviy merosini namoyon etishga, buyuk allomalarimiz faoliyatini keng yoritishga xizmat qiladi.

🔹 Davlat rahbari ishtirokida IT-park loyihasining ikkinchi bosqichiga start berildi, “Sun’iy intellekt xabi”ni barpo etish ishlari boshlandi. Bu loyiha 300 mingdan ortiq yoshlarni zamonaviy IT sohasida ish bilan ta’minlashni maqsad qilgan.

🔹 Shuningdek, sun’iy intellekt texnologiyalarini joriy etish yangi bosqichga chiqmoqda. Maktablarda “Informatika” fanidan sun’iy intellektga oid mavzular kiritiladi, oliygohlarda esa maxsus laboratoriyalar tashkil etiladi.

🔹 Yoshlar o‘rtasida “Bir million sun’iy intellekt yetakchisi” loyihasi kengaytirilib, eng yaxshi startaplar uchun 1 million dollarlik mukofot jamg‘armasi ta’sis etildi.

Ma’rifat darsi davomida talabalar O‘zbekistonning ilm-fan, texnologiya va ma’naviyat sohalaridagi yangiliklar bilan tanishib, mamlakat taraqqiyotida yoshlarning o‘rni va mas’uliyati haqida fikr almashdilar.