Jizzaxdan Samarqandgacha bo‘lgan 107 kilometrlik masofa bu gal universitetimiz jamoasi uchun nafaqat yo‘l, balki yaxshi kayfiyat va ilhomga to‘la sayohat yo‘li bo‘ldi.

Jizzax davlat pedagogika universiteti rahbariyati hamda kasaba uyushmasi qo‘mitasi tashabbusi bilan har haftaning shanba va yakshanba kunlari xodimlar uchun turli sayohatlar tashkil etilmoqda. Bu galgi manzil — mo‘jizalar shahri, tarix va madaniyat beshigi bo‘lgan Samarqand shahri bo‘ldi.

Universitetimiz Axborot-resurs markazi jamoasi 107 kilometrlik yo‘lni bosib o‘tib, Samarqandning tahsinga sazovor ziyoratgohlari va go‘zal maskanlarini tomosha qilishdi. Sayohat juda mazmunli o‘tganini suratlarga nazar tashlab ishonch hosil qilasiz.

Aytishlaricha, boshqa oliygohlarning professor-o‘qituvchilari ham bu kabi tashabbuslarga havas bilan qarayapti ekan

“Qani edi biz ham shu universitetda ishlasak…” deyishmoqda ular havas bilan.

Shunday ekan, azizlar, universitetimizga ham, rahbariyatimizga ham, kasaba uyushmamizga ham ko‘z tegmasin! 💐