Jizzax davlat pedagogika universitetining 1-sonli talabalar turar joyida universitet Yoshlar ittifoqi boshlang‘ich tashkiloti tashabbusi bilan talabalar uchun unutilmas ijodiy va madaniy kecha tashkil etildi.

Tadbir davomida talabalar o‘zlarining ijodiy salohiyati, musiqa va sahna mahoratlarini namoyon etdilar. Quvnoq musiqiy chiqishlar, jonli raqslar hamda turli interaktiv o‘yinlar ishtirokchilar kayfiyatini yanada ko‘tardi.

Kechaning eng qiziqarli qismi — karaoke taym bo‘ldi.  Talabalar gitara sadolari ostida o‘z sevimli qo‘shiqlarini ijro etishdi. Shartlarni a’lo darajada bajargan faol ishtirokchilar taqdirlanishdi.

Bu kecha yoshlarga nafaqat yaxshi kayfiyat, balki motivatsiya ham ulashdi. Universitet yoshlari uchun tashkil etilgan mazkur tadbir ishtirokchilar xotirasida uzoq yillar saqlanib qolishi shubhasiz.