Jizzax davlat pedagogika universitetida “Besh tashabbus” olimpiadasining universitet bosqichi qizg‘in tarzda davom etmoqda.

Bugun bellashuvlarning ikkinchi kuni bo‘lib, universitetning ochiq sport maydonida ertalardanoq jonlanish, qiziqish va raqobat muhiti hukm surmoqda.

Talabalar jamoalari bugun sportning stritbol turi bo‘yicha bellashishmoqda. Ushbu musobaqa nafaqat yoshlarni sog‘lom turmush tarziga undash, balki ularda jamoada ishlash, o‘zaro hamjihatlik va birdamlikni mustahkamlashga xizmat qilmoqda.

Kun oxirida g‘olib va sovrindor jamoalar aniqlanib, ular tantanali taqdirlash marosimida munosib rag‘batlantiriladi.