Talaba yoshlarni sportga jalb etish, sog‘lom turmush tarzini targ‘ib qilish hamda yoshlar orasidan bo‘lajak sportchilarni kashf etish maqsadida o‘tkazib kelinayotgan an’anaviy “Besh tashabbus olimpiadasi”ning navbatdagi bosqichi Filologiya fakulteti tomonidan tashkil etildi.

Tadbirning tantanali ochilish marosimida fakultet rahbariyati, professor-o‘qituvchilar hamda talaba-yoshlar ishtirok etishdi. So‘zga chiqqanlar olimpiadaning ahamiyati haqida to‘xtalib, talaba-yoshlarni doimo faol, tashabbuskor, intiluvchan bo‘lishga va g‘alaba uchun kurashishga chorladilar.

Musobaqalar doirasida futbol, voleybol, stol tennisi, shaxmat kabi turli sport yo‘nalishlari bo‘yicha bellashuvlar tashkil etildi. Qizg‘in va dramatik tarzda kechgan o‘yinlarda talaba-yoshlar o‘z mahorat va chirayli o‘yin uslubini namoyish etishdi.

Filologiya fakulteti talabalari nafaqat bilimda, balki sportda ham oldingi safiga chiqishga intilmoqdalar. Olimpiada davomida g‘olib va sovrindorlar aniqlanib, ular maxsus diplom va esdalik sovg‘alar bilan taqdirlanishi belgilandi.

“Besh tashabbus olimpiadasi” nafaqat yoshlarni sportga qiziqtirish, balki ularda jamoaviylik, birdamlik va do‘stona muhitni shakllantirishga xizmat qiladi.