2025-yil 22-sentyabr kuni Jizzax davlat pedagogika universitetiga Malayziyadan nufuzli professorlar tashrif buyurishdi.
Ular orasidan — Malayya universiteti (University of Malaya, QS World University Rankings 2026 bo‘yicha 58-o‘rin)dan Dr. Moh’d Zieauddin Bin Kufian, shuningdek, Malayziya Xalqaro Islom universiteti (International Islamic University Malaysia, QS World University Rankings 2026 bo‘yicha 613-o‘rin)dan Assoc. Prof. Dr. Abdurahim A. Okhunov Aniq fanlar fakulteti mehmoni bo‘lishdi.
Tashrif davomida mehmonlar universitetda yaratilgan sharoitlar bilan tanishdilar, ularni qiziqtirgan barcha savollarga javob berildi. Shuningdek, universitetlar o‘rtasida hamkorlik memorandumini imzolash, shartlar belgilash va mas’ul shaxslarni tayinlash masalalari kelishib olindi.
Qolaversa, Matematika kafedrasida o‘qitilayotgan fanlarni samarali o‘qitish, o‘quv qo‘llanmalar yaratish va ilmiy maqolalar chop etish bo‘yicha o‘zaro manfaatli hamkorlikka kelishildi.
