Jizzax davlat pedagogika institutida “1-dekabr Xalqaro OITSga qarshi kurash” kuniga bag‘ishlangan ma’naviy–ma’rifiy tadbir tashkil etildi.
«OITS kasali, o‘tkir virusli gepatit xamda ruhiy xotirjamlik kasalliklari va uning salbiy oqibatlari” mavzuiga bag‘ishlangan tadbirda Jizzax viloyat “Spidga qarshi kurash” markazi, ruhiy kasalliklar dispanseri, shahar ko‘p tarmoqli tibbiyot birlashmasi mutaxassis shifokorlari, Jizzax davlat pedagogika instituti talabalari va professor o‘qituvchilari ishtirok etishdi. Jizzax viloyat “ Spidga qarshi kurash” markazi bosh shifokori Munavvar Sodiqov o‘z ma’ruzasida OIV/OITS infeksiyasining oldini olish, unga chalingan bemorlarni tibbiy-ijtimoiy muhofazalash, sanitariya-gigiena madaniyatini yuksaltirish, yoshlarni giyohvandlik va boshqa illatlar ta’siridan asrash borasida ko‘plab ishlar olib borilayotganligini aytib o‘tish bilan bir qatorda respublikamizda OIV infeksiyasining oldini olish va bemorlarga tibbiy yordamni tashkil etish bo‘yicha chiqarilgan hujjatlar bilan ham tanishtirib o‘tdi.
XXI asr vabosi nomini olgan OIV infeksiyasining oldini olish va kasallanganlarning hayot sifatini yaxshilash, OITS tarqalishining oldini olish, unga chalingan bemorlarni tibbiy-ijtimoiy muhofazalash, sanitariya-gigiena madaniyatini yuksaltirish, yoshlarni giyohvandlik va boshqa illatlar ta’siridan asrash mavzuiga bag‘ishlangan tadbirda so‘zga chiqqanlar OIV/OITS kasalligining kelib chiqish tarixi, etiologiyasi, kasallikning dunyoda tarqalganligi, kasallik manbalari, kasallikning yuqish yo‘llari, qaysi holatlarda yuqmasligi, kimlar ko‘p kasallanishi va profilaktikasi bo‘yicha qiziqarli va mazmunli ma’ruza qilish orqali talabalarni ogohlikka da’vat etishdi.
Ma’ruzadan so‘ng shifokor va mutaxassislar talabalarni qiziqtirgan savollarga javob berishdi.
Jizzax davlat pedagogika instituti axborot xizmati
