2025-yilda Koreya ixtirochi ayollari assotsiatsiyasi (KWIA) va Koreya intellektual mulk ofisi (KIPO) hamkorligida «KIWIE-2025» xalqaro ixtirochi ayollar ko‘rgazmasi o‘tkazildi.
Ushbu nufuzli tadbirda Jizzax davlat pedagogika universiteti professori, kimyo fanlari doktori va Tabiiy fanlar fakulteti dekani Yaxshiyeva Zuhra Ziyatovna ham ishtirok etdi. Olima sho‘r suv tarkibidan litiy metallini ajratish maqsadida yaratgan yangi selektiv sorbentlari bilan katta e’tirofga sazovor bo‘ldi.
Ushbu ixtiro uchun professor Yaxshiyeva Zuhra Ziyatovna kumush medali bilan taqdirlandi. Shuningdek, Xitoy ixtirochi ayollar assotsiatsiyasi tomonidan ham ushbu ishlanma oltin medal bilan mukofotlandi.
Ushbu yutuq nafaqat universitetimiz, balki mamlakatimiz uchun ham katta sharafdir.
