Jizzax Kibersport Arenasida bo‘lib o‘tgan marosimda xalqaro va milliy delegatsiya vakillari, 600 dan ziyod sportchilar, murabbiylar, hakamlar va talaba yoshlar ishtirok etishdi.
Ochilish marosimida so‘zga chiqqanlar bu kabi musobaqalar nafaqat chempionlarni yetishtirishga, balki millatlar o‘rtasidagi o‘zaro hurmat, do‘stlik va madaniy almashinuvni mustahkamlashga xizmat qilishini ta’kidlab o‘tishdi.
«Biz uchun bu musobaqaga mezbonlik qilish – katta sharaf va mas’uliyat. Jizzax davlat pedagogika universiteti pedagogika, sport va ta’lim sohalarida xalqaro hamkorlikni yanada chuqurlashtirishga intiladi. Ushbu tadbir ana shu yo‘nalishdagi muhim qadamlardan biridir. Bugun Jizzaxga kelgan har bir mehmon – bizning aziz do‘stimiz,hamkorimiz va qadrli mehmonimizdir. Universitetimiz jamoasi musobaqaning yuqori darajada o‘tishi, barcha ishtirokchilarning munosib qabul qilinishi va muvaffaqiyatli ishtirok etishi uchun bor kuch-g‘ayratini safarbar etgan. O‘ylaymanki, barcha sportchilar ushbu nufuzli musobaqada faol, halol va yuksak ruhda ishtirok etishadi”-deydi universitet rektori Sh.Sharipov
Pencak Silat – bu faqat sport emas, bu – madaniyat, tarbiya, birdamlik va tinchlik ramzidir. Sportning PINCHAK-SILAT turi bo‘yicha Jizzax Davlat pedagogika universiteti hamda O‘zbekiston PINCHAK-SILAT federatsiyasi hamkorligida tashkil etilgan Markaziy Osiyo ochiq chempionatiga 16-may kuni start berildi. Musobaqalar 19-may kuniga qadar davom etadi.
