Samarqand davlat universiteti Kattaqo‘rg‘on filialidan 50 nafar nafar talaba va yoshlar yetakchisi, qator o‘qituvchilar va oliygoh prorektoridan iborat delegatsiya JDPU da bo‘lishdi.

Delegatsiya a’zolari tashrifni universitetimizda talabalarga yaratilgan sharoitlar va imkoniyatlar bilan tanishish bilan boshlashdi. Shundan so‘ng mehmonlar Jizzax davlat Yoshlar ittifoqi boshlang‘ich ta’lim tashkiloti uchun ajratilgan xonalarda bo‘lishdi.

Tajriba o‘rganish va ma’lumotlar almashish maqsadida tashkil etilgan uchrashuvda Kattaqo‘rg‘onlik talaba yoshlar universitet yetakchilari tomonidan amalga oshirilgan ishlar, volontyorlik klubi faoliyati bilan tanishishdi.

Tanishish jarayonida yoshlar fan laboratoriyalari, steam park, inkubatsiya xonalari, sport va mashg‘ulot zallari, registrator ofisi, universitet muzeyi hamda yaqindagina o‘z faoliyatini boshlagan 7/24 rejimdagi talablarga va butun Jizzax ahliga xizmat ko‘rsatayotgan kutubxonada bo‘lishdi.

Kun davomida mehmonlar davra suhbatlari va ochiq muloqotlarda ishtirok etishdi. Dastur so‘ngida mehmonlar universitet madaniyat saroyiga taklif etildilar. Oliygohning iqtidorli talaba yoshlari jamlanmasidan iborat musiqiy guruhlar va E.Lutfullayev nomidagi talab yoshlar maqomchilar ansambli ijrosidagi musiqiy dastur barchaga manzur bo‘ldi.

Tashrif so‘ngida delegatsiya tarkibida tashrif buyurgan oliygoh yoshlar yetakchilari bilan JDPU yoshlar yetakchisi o‘rtasida memorandum imzolandi.