9-11-aprel kunlari bo‘lib o‘tgan ilmiy-amaliy anjuman O‘zbekiston Fanlar akademiyasi Astronomiya instituti va Jizzax davlat pedagogika universiteti bilan hamkorlikda tashkil etildi.
Anjumanda O‘zR FA Astronomiya instituti, Moskva davlat universiteti, O‘zbekiston milliy universiteti, Samarqand davlat universiteti, Qoqon davlat pedagogika instituti, Shahrisabz davlat pedagogika instituti, Nizomiy nomidagi Toshkent davlat pedagogika universiteti, Axborot texnologiyalari va menejment universiteti (Qarshi), Chirchiq davlat pedagogika universiteti va Navoiy davlat universitetidan 50 nafardan ziyod professor-o‘qituvchilar va talabalar ishtirok etishdi.
Anjumanni JDPU Ilmiy ishlar bo‘yicha prorektori G‘ayrat Qodirov va O‘zFA Astronomiya instituti bosh ilmiy xodimi Sobit Po‘latovich Ilyosov tabrik so‘zlari bilan ochib berdi.
Shundan so‘ng ilmiy-amaliy anjumanni borishida dastur bo‘yicha o‘z ishini davom ettirdi. Shu kuni talabalar tomonidan Quyosh teleskopi bilan Quyosh dog‘ini kuzatish va Oyni kuzatish bilan bog‘liq tadbirlar amalga oshirildi. Anjumanining ikkinchi kuni mavzu doirasidagi ma’ruzalar bilan davom etdi.
Tadbirning so‘nggi kuni Universitet muzeyiga sayohat uyushtirildi va 12-aprel “Kosmonavtika kuni” ga bag‘ishlab ramziy raketa uchirish marosimi tashkil etildi. Ilmiy-amaliy anjumanga Mirzacho‘l tumani Gagarin shahridagi “Kosmonavtika muzeyi” ga tashrif yakun yasadi.
