Uchrashuvda bugun turli yo‘nalishlarda faoliyat yuritayotgan sobiq bitiruvchilar va ayni paytda universitetda tahsil olayotgan talaba yoshlar ishtirok etishdi.
Samimiy, ochiq muloqot tarzida o‘tgan uchrashuvda mehmonlar kimyo va biologiya yo‘nalishini bitirgan talabalar bugun ishga joylashishda qiyinchilikka duch kelishadimi? talabalar o‘rtasida chet tilini o‘rganishga ishtiyoq bormi? Ular buni qay darajada uddalashmoqda, talabalar o‘rtasida akademik mobillik talaba yoshlarni qoniqtiradimi, ularning chet davlatlarda o‘qish istagi mavjudmi? kabi dolzarb savollarga javob berishdi.
Suhbat davomida turli tashkilotlarda faoliyat yuritayotgan sobiq bitiruvchilar bugun kimyo va biologiya yo‘nalishini bitirgan bitiruvchilarga talab yuqori ekanligini ta’kidlashdi.
Uchrashuvda yurtimizning turli viloyatlarida o‘z yo‘nalishlari bo‘yicha faoliyat yuritayotgan sobiq bitiruvchilar ham onlayn ishtirok etib, fikr mulohazalarini bildirishdi.
