Joriy yilning oktyabr-noyabr oylarida Talabalar o‘rtasida “Jaholatga qarshi ma’rifat” mavzusida “Eng yaxshi rasm”, tanlovi “Men terrorizm xavfini qanday tushunaman?” va “Ajdodlarga munosib avlod bo‘laylik” kabi mavzularida targ‘ibot-tashviqot tadbirlari bilan bir qatorda insholar, she’rlar va rasmlar tanlovlarining universitet bosqichi o‘tkazilib kelinmoqda.
Tanlovlarni o‘tkazishdan asosiy maqsadi talabalar o‘rtasida ijtimoiy va madaniy faollikni oshirish, ularning shaxsiy rivojlanishlariga hissa qo‘shish, jaholatga qarshi kurashish, ma’rifat va bilimning ahamiyatini tushuntirish, yoshlarda korrupsiyaga, jinoyatchilikka qarshi toqatsizlik ruhini shakllantirishdan iboratdir.
Tanlov g‘oliblarini aniqlash uchun ishtirokchilarining hujjatlarini xolisona va shaffof tarzda baholash maqsadida hamkor tashkilotlarning soha mutaxassislaridan iborat Ishchi guruhi tuzildi. Ishchi guruhi a’zolari bergan natijalarga ko‘ra “Jaholatga qarshi ma’rifat” mavzusida o‘tkazilgan “Eng yaxshi rasm” tanlovida 1-o‘rin Fizika va texnologiya fakulteti talabasi Po‘latov Elzodga, 2-o‘rin Fizika va texnologiya fakulteti talabasi Qobiljonova Jasminaga, 3-o‘rin esa Fizika va texnologiya fakulteti talabasi Shodiqulova Sarvinozga nasib etdi. Tanlovda g‘olib bo‘lgan talabalar diplomlar va universitet rahbariyati tomonidan esdalik sovg‘alari bilan taqdirlandilar.
