Jizzax davlat pedagogika universiteti Tarix fakultetida «Yoshlarda korrupsiyaga nisbatan toqatsiz munosabatni shakllantirish» mavzusida qator hamkor tashkilotlar hamkorligida ma’naviy-ma’rifiy tadbir tashkil etildi. Tadbirda Tarix fakulteti professor-o‘qituvchilari, Korrupsiyaga qarshi kurashish Kompleans nazorat tizimini boshqarish bo‘limi vakillari, IIB mas’ul xodimlari JDPUga biriktirilgan Profilaktika inspektorlari hamda talabalar ishtirok etdilar.
Tadbirda so‘zga chiqqanlar ushbu illat har qanday davlat va jamiyatning siyosiy-iqtisodiy rivojlanishiga jiddiy putur yetkazib, inson huquq va erkinliklarining poymol bo‘lishiga olib kelishini, shu bois korrupsiyaga qarshi kurash xalqaro ahamiyat kasb etib, jahon siyosatining muhim masalalari qatoridan joy olganligini, korrupsiyaga qarshi kurashish bo‘yicha bir qancha qonun, qaror va vazirlikning buyruqlari qabul qilinganligini, ushbu me’yoriy-huquqiy hujjatlarni registrator ofisi xodimlari tomonidan yana bir bor o‘qib tanishib chiqishini, ish faoliyatida korrupsiyaviy holat haqida xabardor bo‘lganda birinchi navbatda o‘zi ishlab turgan muassasa boshlig‘ini xabardor qilish kerakligini yoki huquqni muhofaza qilish organlariga xabar berish kerakligi haqida aytib o‘tildi.
