JDPU madaniyat saroyida bo‘lib o‘tgan tadbir Tibbiyot fakulteti tomonidan tashkil etildi.
Shifokorlik – dunyodagi oliyjanob, insonparvar va o‘ta zarur kasblardan biri sifatida e’tirof etib kelinadi.JPU madaniyat saroyida Tibbiyot fakultetining birinchi kursiga qabul qilingan talabalar qasamyodiga bag‘ishlangan tantanali tadbir o‘tkazildi.Mazkur tadbirda Jizzax viloyati Sog‘liqni saqlash boshqarmasi vakillari birinchi kurs talabalari, professor-o‘qituvchilar ishtirok etishdi.
Dastlab tadbirga taklif etilgan mehmonlar tomonidan birinchi kursga qabul qilingan talabalarning kelgusida yetuk mutaxassislari, professor, akademik, eng muhimi fidoiy shifokor bo‘lib xizmat qilishlari uchun tilaklar bildirildi.
Tibbiyot fakultetiga yuqori ballar bilan qabul qilingan talabalarga tibbiyotga oid kitoblar to‘plami topshirildi. Shundan so‘ng ijodkor talabalardan iborat jamoa ijrosida konsert dasturi namoyish etildi. Tadbirga «Talabalik qasamyodi» tantanali marosimi yakun yasadi.
