“Young Professional Internships Program” dasturi o‘zbekistonlik talabalarga Toshkentdagi mahalliy va xalqaro kompaniyalarda yozgi amaliyot o‘tash orqali o‘z kasbiy mahoratini oshirish imkoniyatini beradi! Ishtirokchilar kasbiy rivojlanish, tengdoshlari va sanoat rahbarlari bilan aloqa o‘rnatish bilan shug‘ullanadilar va biznes va STEM sohalarida taniqli mutaxassislardan maslahat oladilar. Amaliyot to‘liq AQShning Toshkentdagi elchixonasi tomonidan moliyalashtiriladi va O‘zbekistonning barcha hududlaridan talabalarni qabul qiladi.
Shu munosabat bilan Jizzax davlat pedagogika universitetida mazkur dastur bo‘yicha O‘zbekiston Respublikasida Xalqaro ta’lim bo‘yicha Amerika kengashlarining filiali xodimi Azizaxon Nuriddinova ishtirokida trening tashkil etildi. Unda mazkur dasturdan ko‘zlangan maqsad va vazifalar, dasturda ishtirok etish hamda ariza yuborish tartibi yuzasidan zarur tavsiyalar berildi.
Ma’lumot o‘rnida, 2025-yilgi YPIP dasturida qatnashish uchun anketalar joriy yilning 4-oktyabrdan 8-dekabrgacha ochiq bo‘ladi. http://ais.americancouncils.org/ypip 
