1937-1953-yillarda mustabid tuzum tomonidan 100 mingdan ziyod xalqimiz vakillari qatag‘on siyosatining qurboni bo‘lgan, 13 ming nafari otib tashlangan, minglab kishilar nohaq quloq qilingan, surgunlarga jo‘natilgan. Yurt ravnaqi, Vatan ozodligi yo‘lida jonini fido etib, siyosiy qatag‘on qurbonlari bo‘lgan ota-bobolarimizning hayoti va faoliyatini o‘rganish bo‘yicha keng ko‘lamli ishlar amalga oshirilmoqda. Davlatimiz rahbari tomonidan joriy yilning 20-iyul kunida «Siyosiy qatag‘on qurboni bo‘lgan yurtdoshlarimiz hayoti va faoliyatini o‘rganish, targ‘ib etish hamda ularning xotirasini abadiylashtirish borasidagi ishlarni kengaytirish to‘g‘risida» qarori qabul qilindi.
![](https://jdpu.uz/wp-content/uploads/2024/07/photo_2024-07-24_12-27-48-5.jpg)
![](https://jdpu.uz/wp-content/uploads/2024/07/photo_2024-07-24_12-27-48.jpg)
![](https://jdpu.uz/wp-content/uploads/2024/07/photo_2024-07-24_12-27-49-2.jpg)
![](https://jdpu.uz/wp-content/uploads/2024/07/photo_2024-07-24_12-27-49.jpg)
![](https://jdpu.uz/wp-content/uploads/2024/07/photo_2024-07-24_12-27-48-3.jpg)
![](https://jdpu.uz/wp-content/uploads/2024/07/photo_2024-07-24_12-27-48-2.jpg)
Ushbu qarorga muvofiq universitet tuzilmasidagi «Qatag‘on qurbonlari xotirasi muzeyi» hamda Viloyat teleradiokompaniyasi xodimlari bilan birgalikda siyosiy qatag‘on davrida nohaq jabr ko‘rgan mash’um davr qurboni bo‘lgan Orifjon Olimjonov, Abdusattor Shukurov, Bayzo Mirazimov, Urdushbek Salimov, Porsoxon Oppoqxonov avlodlari bilan uchrashuv bo‘lib o‘tdi.