Jizzax davlat pedagogika universiteti o‘zbek tili va adabiyoti, matematika va informatika hamda tibbiyot fakultetlari hamkorlikda Sharof Rashidov tumani «Kuyovboshi» mahalla fuqarolar yig‘inida ma’naviy-ma’rifiy tadbirlar hamkorligi asosida mahalla ahlidan tuzilgan 4 ta jamoa bilan zakovat intellektual o‘yini o‘tkazildi.
Jamoa ishtirokchilari orasida 7 yoshdan 70 yoshgacha bo‘lgan fuqarolar faol qatnashgan bo‘lib, o‘yin juda ham ko‘tarinki ruhda o‘tdi. O‘yin natijalariga ko‘ra 1-o‘rinni qo‘lga kiritgan «Yuksalish» jamoasi, 2-o‘rinni qo‘lga kiritgan «Parvoz» jamoasi, 3-o‘rinni qo‘lga kiritgan «Quvnoqlar» jamoasi darajali diplom va esdalik sovg‘alari bilan taqdirlandi.
