Tashkil etilgan bayramda universitet talaba yoshlari hamda professor-o‘qituvchilar ishtirok etdi.

Yoshlar masalalari ma’naviy -ma’rifiy ishlar bo‘yicha birinchi prorektori Sarvar Nazarqosimov ma’naviyatimizning asosi bo‘lgan milliy qadriyatlar xalqimizning ulkan merosi ekanligini ta’kidladi. Globallashuv davrida yoshlarimizning ta’lim-tarbiyasiga, ongi tafakkuriga tahdidlar kuchayib borayotgan paytda o‘zligimizni, qadriyatlarimizni asrab-avaylash muhim vazifa ekanligi qayd etildi.

Universitetga kirish maydoni xalqimizning qadriyatlarni namoyish etuvchi ko‘rgazmalar bilan yanada tarovatli bo‘ldi. Milliy liboslar namoyishi, sport o‘yinlari, xalq o‘yinlari tanlovi hamda urf-odatlar, an’analar aks etgan sahna ko‘rinishlari ishtirokchilarda katta taassurot qoldirdi. Unutilib borilayotgan alla, laparlar ijro etildi, “kelin salom” namoyishi esa olqishlarga sazovor bo‘ldi.

Festival doirasida tashkil etilgan tanlovlarning g‘oliblari tashkilotchilar tomonidan taqdirlandi.