2024-yilning 10-aprel kuni o‘zbek romanchilik maktabining asoschisi Abdulla Qodiriy tavalludiga 130 yil to‘ldi. Sana munosabati bilan universitetning madaniyat saroyida o‘zbek tili va adabiyoti fakulteti tomonidan badiiy xotira kechasi uyushtirildi. buyuk yozuvchi, o‘zbek romanchiligining asoschisi, o‘zbek adabiyoti va madaniyati rivojiga ulkan hissa qo‘shgan atoqli adib Abdulla Qodiriy tavalludining 130 yilligi munosabati bilan uyushtirilgan tadbirda dastlab Abdulla Qodiriyning ilk asarlari, nashr etilgan gazeta va jurnallar, dastlabki kitoblari, boshqa tillarga o‘girilgan asarlari haqida ma’lumotlar berildi.
Shundan so‘ng iqtidorli talabalar teatri tomonidan sahnalashtirilgan adibning so‘nggi kunlari haqidagi sahna ko‘rinishlari qo‘yildi. She’rlari aytildi. Asarlari asosida savol javoblar bo‘lib o‘tdi.
