Jizzax davlat pedagogika universitetida davlatimiz rahbarining «Yoshlar uchun ming kitob loyihasini amalga oshirish to‘g‘risida»gi qarori asosida «Mutolaa» loyihasi doirasida Javlon Jovliyevning “Qo‘rqma” asari asosida suratga olingan “Qo‘rqma” nomli film premyerasi namoyishi bo‘lib o‘tdi.

Dastlab, ishtirokchilar e’tiboriga yosh iste’dod sohibi Javlon Jovliyev tomonidan yangi davrning yangi va dardchil, yangicha uslubda va o‘ziga xos yangi ohang bilan yozilgan «Qo‘rqma» asari qahramonlarining taqdiri va hayot yo‘li aks etgan qisqa metrajli kinofilm havola etildi.

Shuningdek, «Mutolaa» loyihasi haqida universitet prorektori S.Nazarqosimov tomonidan ushbu loyihadan ko‘zlangan maqsad haqida ma’lumot berildi.Tadbirda talaba-yoshlar “Mutolaa” loyihasining taqdimoti va loyihaning mazmun-mohiyati hamda “Qo‘rqma” filmining premyerasini jonli kuzatishdi.

Namoyish etilgan qisqametrajli film o‘quvchilar ko‘nglidan joy olib, namoyish so‘nggida o‘z fikr-mulohazalari hamda takliflarini bildirdi.