Hindiston oliy ta’lim muassasasi va axborot texnologiyalari vakillari Jizzax davlat pedagogika universitetiga tashrif buyurishdi.

Mehmonlar bilan uchrashuv universitetning kichik ma’ruzalar zalida bo‘lib o‘tdi. Uchrashuv davomida universitet rektori Sh.Sharipov Hindiston oliy ta’lim muassasalari bilan tuzilgan shartnomadan ko‘zlagan maqsadlar, tomonlar o‘rtasidagi aloqalar, talabalar uchun yaratilgan imkoniyatlar haqida to‘xtaldi.

Shu o‘rinda Hindistonlik olimlar ham talaba yoshlar uchun  tashkil etilgan Steam park faoliyatidan mamnun ekanliklarini bildirib o‘tishdi. JDPUda xorijiy tillarni rivojlantirish bo‘yicha hamkorlik munosabatlarini o‘rnatishga rahbarlik qilgan «Orangeslates» tashkiloti rahbari Vishal Singh Khutel oliygohda xorijiy tillarni o‘qitish bo‘yicha faoliyatini davom ettirishini ma’lum qildi. Shuningdek mehmonlar universitetda Steam va Robotatexnika rivojlantirish sohasida imzolangan hamkorlik memorandumiga asosan eng so‘ngi texnologiyalarni jalb etishlarini ham aytib o‘tishdi.

Uchrashuv so‘ngida Hindistonlik olimlar JDPUdagi Steam Park va Inkubatsion markazning faoliyati bilan yaqindan tanishishdi. Ma’lumot uchun: Hindistonlik olimlar ayni kunlarda mutaxassislar uchun treninglarni boshlab yuborishgan. Treninglar 10 kun davom etadi.