Jizzax davlat pedagogika universiteti Xorijiy tillar fakulteti o‘qituvchilari va AQSh elchixonasi tomonidan e’lon qilingan dastur bituvchilari bilan birgalikda Jizzax viloyatidagi «Nurli Maskan» maktab-internatida Brayl alifbosi savodxonligi haftaligi doirasida maktab o‘quvchilari va o‘qituvchilari bilan davra suhbati o‘tkazildi.
Suhbat «Inklyuziv ta’limda ingliz tilini o‘rganish va bu boradagi qiyinchiliklar, ularni bartaraf etish usullari» mavzusida olib borilib, maktabda ingliz tili ustozlarining va o‘quvchilarning ingliz tiliga bo‘lgan yondashuvlari va bu yo‘ldagi qiyinchiliklar haqida fikr almashildi.
JDPU o‘qituvchilari tomonidan qiyinchiliklarni bartaraf etish bo‘yicha amaliy tavsiyalar berildi. Ushbu davra suhbati savol-javoblar bilan qiziqarli va foydali bo‘ldi. Tadbir yakunida faol ishtirok etgan ishtirokchilar taqdirlandi.
