O‘zbek tili va adabiyoti fakultetida “O‘zbek filologiyasining dolzarb masalalari va uni o‘qitish metodikasi muammolari” mavzusidagi Xalqaro ilmiy – amaliy anjuman o‘tkazildi. Xalqaro konferensiyada xorijiy va respublikamizning yirik mutaxassis olimlari o‘z ilmiy ma’ruzalari bilan ishtirok etishdi.
Jumladan, Turkiya Artvin Choruh universiteti, Anqara Hoji Bayram Vali universiteti, Qozon Federal universiteti, Ozarbayjon Milliy Ilmlar akademiyasi Nizomiy Ganjaviy nomidagi Adabiyot instituti, Tojikiston Respublikasi “Akademik Bobojon G‘afurov nomidagi Xo‘jand davlat universiteti” DTM, O‘zbekiston Respublikasi Fanlar Akademiyasi til va adabiyot instituti, O‘zFA Abu Rayhon Beruniy nomidagi Sharqshunoslik instituti, Alisher Navoiy nomidagi O‘zbek tili va adabiyoti universiteti, Xorazm, Guliston, Andijon, Samarqand, Namangan, Farg‘ona, Qashqadaryo, Buxoro, Qo‘qon, Navoiy universitetlari va Chirchiq davlat pedagogika universitetlari filolog olimlari hamda Jizzax davlat pedagogika universiteti professor-o‘qituvchilari va yuqorida sanalgan oliy muassasalarining doktorant, magistrant va iqtidorli talabalari hamda ko‘pgina viloyatlardagi akademik litseylari, xalq ta’limi muassasalari, maktabgacha ta’lim muassasalarida faoliyat yuritayotgan ona tili va adabiyoti fani o‘qituvchi va mutaxassislari ishtirok etishdi.
