Muxtor Avezov nomidagi Janubiy Qozog‘iston universiteti «Tabiiy va aniq fanlar va pedagogikasi» fakulteti dekani pedagogika fanlari nomzodi, dotsent Nurlibay  Madiyarov hamda Matematika kafedrasi professori, fizika-matematika fanlari doktori Nurg‘ali  Ashirbayevlar Matematika va informatika fakultetida bo‘lishdi.Tashrifdan maqsad oliy ta’lim muassasalari fakultetlari o‘rtasida hamkorlik aloqalarini o‘rnatish. Jarayonda tomonlar ilmiy va pedagogik tajriba almashish, zamonaviy darsliklar, matematika fanidagi oxirgi ilmiy yangiliklar bilan bo‘lishish xususida kelishib olishdi.

Samimiy ochiq muloqot tarzida bo‘lib o‘tgan suhbatdan so‘ng mehmonlar talabalariga mahorat darslarini o‘tib berishdi Ochiq dars davomida mehmonlar talabalarning savollariga javob berishdi.

Shundan so‘ng mehmonlar universitet rahbariyati bilan uchrashdi. Uchrashuv davomida ikki qardosh xalqning urf odatlari va an’analari bir ekanligini, bu aloqalar doim do‘stona davom etganligini, oliygohlar o‘rtasidagi hamkorlik ham yaxshi natijalar berishini ta’kidlashdi.

Tashrif yakunida mehmonlar mezbonlarni o‘z oliy o‘quv yurtlariga taklif etishdi.