Oliygohda o‘tkazilishi an’anaga aylanib ulgurgan QVZ tanlovi talaba  yoshlarning qiziqib tomosha qiladigan va orziqib kutiladigan ko‘rik tanlovlaridan biriga aylangan desak xato qilmagan bo‘lamiz. Qaysi jamoa g‘olib bo‘lishini oldindan chamalab bir birlari bilan bahs boylagan  tomoshabinlar uchun QVZninng final bosqichi haqiqatdan ham juda qiziqarli o‘tdi. Kuni kecha oliygohning madaniyat saroyida «Students party» dasturi doirasida bo‘lib o‘tgan tanlovda Maktabgacha ta’lim fakultetining “Shaddod qizlar” ,Boshlang‘ich ta’lim fakultetining «Qirolicha», Tabiiy fanlar fakultetining «Avitsenna», Pedagogika va psixologiya fakultetining «Yoshlar» jamoalari o‘z chiqishlarini namoyish etdi.

3 shart asosida g‘oliblik uchun kurash olib borgan jamoalar o‘rtasida ustunlik Maktabgacha ta’lim fakultetining “Shaddod qizlar” jamoasiga nasib etdi.

Endilikda, Quvnoqlar va zukkolar bo‘yicha respublikada bo‘lib o‘tadigan bellashuvlarda «Shaddod qizlar” g‘oliblik uchun kurash olib borardilar. “Shaddod qizlar”ga omad yor bo‘lsin.