2023 yil 31 oktyabr kuni Jizzax davlat pedagogika universitetida O‘zbekiston Respublikasi Vazirlar Mahkamasining 2023 yil 27 apreldagi № 39-sonli Farmoyishi asosida, “Markaziy Osiyo xalqlari moddiy va ma’naviy madaniyati: zamonaviy tadqiqotlar, muammo va o‘rganish usullari” mavzusida Xalqaro ilmiy-amaliy anjuman tashkil qilindi.
Xalqaro ilmiy-amaliy konferensiyada respublikamizning ko‘plab Oliy ta’lim va ilmiy tadqiqot muassasalari bilan birgalikda Qirg‘iziston respublikasi, Rossiya federatsiyasi, AQSH va Italiya kabi xorijiy davlatlarning olimlari o‘zlarining ilmiy maqolalari bilan ishtirok etdilar.
Anjuman yalpi majlisi va seksiyalarida yuqori saviyada tayyorlangan ilmiy ma’ruzalar tinglandi. Konferensiya yakunidagi muhokama ishida kelgusida amalga oshirilishi lozim bo‘lgan ilmiy masalalar tahlil qilindi.
