Viloyat rahbarlari Talabalar turar joyida bo‘lishdi.

Jizzax viloyati prokurori I.Ergashxo‘jaev , ichki ishlar boshqarmasi boshlig‘i, general-mayor G‘ayrat Qodirov, Jizzax shahar hokimi Komil Xolmurodov  hamda universitet rektori Sh.Sharipov boshchiligidagi rahbarlar 1-sonli Talabalar turar joyida bo‘lishdi. Tashrif  talabalarga yaratilgan sharoitlar bilan tanishishdan boshlandi. Oshxona, maʼnaviyat xonalari, kutubxona va sport maydonchalari ko‘zdan kechirildi. Muammo va kamchiliklar joyida o‘rganildi. Kerakli tavsiya va takliflar berildi. Talabalar turar joyiga rahbarlar va talabalar o‘rtasidagi ochiq muloqot yakun yasadi.   Suhbat davomida mehmonlar yoshlarga motivatsiya berish maqsadida o‘z talabalik yillarini hikoya qilib berishdi. Samimiy muloqot chog‘ida talaba yoshlar o‘zlarini qiziqtirgan savollarga javob olishdi