Ikkinchi kun tafsilotlari…
Bugun Jizzax davlat pedagogika universitetida kasbiy (ijodiy) imtihonlarning ikkinchi kuni. Bugun abituriyentlar Jismoniy madaniyat (kunduzgi va sirtqi kurash yo‘nalishi) Musiqa taʼlimi bo‘yicha imtihon topshirishdi.
Imtihonlarni shaffof va adolatli o‘tkazish maqsadida imtihon oluvchi mutaxassislar sport tashkilotlari, sport federatsiyalari vakillari hamda madaniyat va sanʼat xodimlari jalb etilganligini alohida qayd etish lozim. Shaffoflik va ochiqlikni taʼminlovchi yana bir muhim qadamlardan biri, Kasbiy ijodiy imtihonlar bo‘lib o‘tadigan yo‘nalishlarni onlayn ko‘rish imkoniyati mavjud.Imtihon jarayonini abiturientlarning ota-onalari universitet hovlisida tashkil etilgan maxsus xonalarda o‘rnatilgan monitorlar orqali kuzatib borishmoqda.
Ijodiy imtihonlar tasdiqlangan jadval asosida 2023-yil 25-iyuldan 5-avgustga qadar bo‘lib o‘tadi.
