Qurbon hayiti muborak bo‘lsin!

Assalomu alaykum aziz yurtdoshlar, qadrli hamkasblar! Xalqimizga xos mehr-muruvvat, bag‘rikenglik va saxovat ifodasi bo‘lib kelgan Qurbon hayiti barchamizga muborak bo‘lsin! Ushbu muborak ayyomda Siz, azizlarga mustahkam sog‘liq, yurtimizga tinchlik, xonadonlaringizga qut-baraka tilayman. Ushbu ayyom ming yillik tarixni ortda qoldirib, milliy qadriyatlarimizning ajralmas qismiga aylanib ulgurgan. Bu kunda arazlar unutilib, shukronalik, mehr-oqibat, shafqat, birdamlik tuyg‘ulari mustahkamlanadi. Binobarin, bugungi murakkab davrda ushbu tushunchalar har qachongidan muhim ahamiyatga ega. Davlatimiz rahbari rahnamoligida yurtimiz ravnaqi, diyorimizning osoyishtaligi, xalq farovonligi yo‘lida olib borilayotgan barcha xayrli ishlar bardavom bo‘lsin. Qurbon hayitining fayzu barakoti qalblarimizni va xonadonlarimizni munavvar aylasin! Chuqur hurmat bilan, Jizzax davlat pedagogika universiteti rektori, professor Sh. S. Sharipov