25-iyun kuni respublikaning 16 ta shahrida Yoshlar kuni munosabati bilan Yangi nafas xalqaro ommaviy yugurish musobaqasi va Vatan qalqoni harbiy-vatanparvarlik ommaviy yugurish musobaqasi bo‘lib o‘tdi.
Yangi nafas xalqaro ommaviy yugurish musobaqasida Xalqaro Olimpiya kunini (Olympic Day) nishonlash munosabati bilan bir milyaga teng ramziy masofaga ommaviy yugurishlar ham tashkil etildi. Jizzaxda bo‘lib o‘tgan marafonda yuguruvchilar 3 km masofada musobaqalashishishdi. Respublikaning 16 ta shahri “Bir vatanda, bir vaqtda, bir masofaga, bir maqsadda – birga yuguramiz!” umumiy yagona shiori ostida birlashdi
Sport tadbiri Ishtirokchilari uchun start ertalab soat 6:00 da berildi. 2000 ga yaqin yoshlarni qamrab olgan tadbirda Jizzax davlat pedagogika universitetining talaba yoshlari ham ishtirok etishdi. Quvonarlisi musobaqada universitetning Jismoniy madaniyat fakulteti 1-bosqich talabasi Abduqayumov Shahobiddin Olimjon o‘g‘li faxrli 2-o‘rinni qo‘lga kiritdi.
