Kitobga ixlos qo‘ygan yoshlarning Vatanga, o‘zi tug‘ilib o‘sgan muqaddas zaminga muhabbati yuksak bo‘ladi. Oliy taʼlim tizimida tashkil etilgan “Kitobxon talaba” tanlovi orqali talaba yoshlarni mutolaaga jalb etilayotganidan ko‘zlangan maqsad ham ularning aqliy salohiyatini, maʼnaviy dunyoqarashini shakllantirish hamda yurtga sadoqat va muhabbat tuyg‘ularini yuksaltirishga qaratilgani bilan ahamiyatlidir.
Jizzax davlat pedagogika universiteti Axborot resurs markazida bo‘lib o‘tgan “Kitobxon talaba” tanlovida barcha fakultetlardan yuzlab kitobga oshno talaba yigit-qiz orasidan tanlab olingan 57 nafar ishtirokchi o‘zaro bahs olib bordi.
Tanlov, 2 shart asosida bo‘lib o‘tdi. Dastlab ishtirokchilar test sinovlarida ishtirok etib o‘z bilimlarini sinab ko‘rishgan bo‘lsa undan saralangan va eng to‘g‘ri javob belgilagan kitobxon talabalar tanlovning ikkinchi bosqichida ishtirok etish huquqini qo‘lga kiritishdi. Tanlov natijaлаriga ko‘ra, 1 -o‘rin O‘zbek tili va adabiyoti fakulteti talabasi- Mushtariy Muhammadiyevaga, 2o‘rin Tarix fakulteti talabasi Qudratov O‘rоzboyga, 3o‘rin esa Xorijiy tillar fakulteti talabasi O‘ralova Gulmiraga nasib etd
— Mutolaa jonu dilim, — deydi tanlov g‘olibasi Mushtariy Muhammadieva. — Bo‘sh vaqtim bo‘ldi deguncha qo‘limga kitob olaman va uning sehrli olamiga oshno bo‘laman. Mutolaa aqlni charxlaydi, pokiza tuyg‘ularni uyg‘otadi. Eng muhimi, kitob orqali inson ruhiy-maʼnaviy yuksaladi. Bunday tanlovlarning deyarli barchasida imkon darajasida ishtirok etishga harakat qilaman. Bu mening ko‘proq bilim olishimga, o‘z ustimda yanada ko‘proq izlanishimga motivatsiya beradi.
