O‘zbekiston Respublikasi Fanlar akademiyasi V.I.Romonovskiy nomidagi Matematika instituti, Buxoro bo‘linmasi rahbari  professor Durdimurod Durdiyev, hamda katta ilmiy xodim Asqar Raxmonov ishtirokida JDPU, Matematika va informatika fakulteti, “Matematika o‘qitish metodikasi” kafedrasi professor-o‘qituvchilari va magistrlari uchun “Kasr tartibli hosilalar va tadbiqlari” mavzusidagi mahorat darsi tashkil etildi.

Professor D.Q.Durdiyev mavzudan tashqari dars davomida Matematika institutining Buxoro bo‘limida olib borilayotgan ilmiy tadqiqot ishlari haqida maʼlumot berib, bugungi kunda matematikaning rivojlanib borayotgan tarmoqlari, matematika ilmiga kirish va ilmiy izlanishlar olib borish, taʼlimida uchrayotgan dolzarb muammolariga to‘xtalib o‘tish bilan bir qatorda yoshlarni qiziqtirgan turli savollarga javob berdi.