Jizzax davlat pedagogika universiteti 1-son talabalar turar joyida sanʼatsevar talabalar ishtirokida “Havaskor gitara ishqibozlari” tanlovi bo‘lib o‘tdi. Tanlov ikki shart asosida o‘tkazildi. Birinchi shartga ko‘ra tanlov qatnashchilari gitarada kuy chalib berishsa, ikkinchi shartda gitara jo‘rligida qo‘shiq kuylashlari lozim. Qatnashchilarning ishtiroki, ularning ijro etgan kuylari hakamlar hayʼati tomonidan baholab borildi.
Talaba-yoshlari o‘rtasida talabalarni maʼnaviyatini yuksaltirish, estrada sanʼatiga bo‘lgan qiziqishlarini oshirish, isteʼdodlarini yuzaga chiqarish, ularni qo‘llab-quvvatlash hamda bo‘sh vaqtlarini mazmunli o‘tkazish maqsadida “ tashkil etilgan tanlov yakunida ishtirokchilarga I, II, III darajali diplomlar hamda eng yaxshi ijrochiga Gran-pri topshirildi.
Tanlov natijalariga ko‘ra talabalar quyidagi o‘rinlarni qo‘lga kiritishdi.1-o‘rin Lochin Niyozqulovga, 2-o‘rin Bunyod Sayfullaevga, 3-o‘rin esa Nurbek Tishliqovga nasib etdi.
