“Shaddod qizlar” jamoasi finalga yo‘llanmani qo‘lga kiritdi.

Jizzax davlat pedagogika universiteti madaniyat saroyida talabalar o‘rtasida  “QVZ” o‘yinlarining yarim  final uchrashuvi bo‘lib o‘tdi. O‘yinda 2 ta jamoa – Rus tili va adabiyoti fakultetining “Adrenalin” hamda Maktabgacha taʼlim fakultetining “Shaddod qizlar” jamoasi ishtirok etishdi. Dastlabki “Tanishtiruv” shartini “Adrenalin” jamoasi boshlab berdi. Hayotiy hazillar, do‘stona yumor o‘yinlarida o‘tgan mavsumda mutlaq g‘olib bo‘lgan jamoaning o‘ziga xos yutug‘i bo‘ldi. O‘ziga xos hazillari  bilan tanilgan “Shaddod qizlar” jamoasi esa yoshlar o‘rtasida sodir bo‘layotgan voqea-hodisalarni kulgili tarzda tomoshabinlar  eʼtiboriga havola etdi. Jamoalar g‘oliblikni qo‘lga kiritish uchun “musiqiy uyga vazifa”, “savol-javoblar” shartlari bo‘yicha o‘zaro kurashdi. Rang-barang chiqishlar, o‘ziga xoslik va yengil hazm bo‘luvchi hazillar bilan Maktabgacha taʼlim fakultetining  “Shaddod qizlar” jamoasi barchaning diqqat markazida bo‘ldi. Barcha shartlar yakuniga ko‘ra, hazilkash qizlardan iborat  “Shaddod qizlar”  jamoasi 42  ball bilan finalga yo‘llanmani qo‘lga kiritdi.